Við erum stolt af því að kynna róbóta fjárhús – nýja og byltingarkennda hönnun fyrir íslenska fjárbændur og aðrar búgreinar.

Hönnunin á myndunum er hringlaga, 500 m² fjárhús með sauðburðarhólfum sem tengjast hringlaga millifærslugangi meðfram útveggjum hússins. Fjárhúsið er sérhannað og vinnusparandi, byggt á nútíma CCTV-myndstýringu.

Snúningskrani og snúningsbúnaður hússins verða þráðlauslega tengdir stjórntölvu í stjórnstöð og útstöðvum. Búnaðurinn er einnig tengjanlegur við gervigreind sem vinnur úr upplýsingum um mismunandi hegðun og atferli dýra og skilar rauntímaupplýsingum til bústjórnanda.

Fjárhúsið er hannað annaðhvort sem taðhús eða sem gólfgrindarhús með kjallara, eftir þörfum hvers bús.